Lipid profile test ဆိုတာ ကိုယ့်ရဲ့သွေးထဲမှာရှိတဲ့ အဆီ (lipids) အမျိုးအစားတွေကို တိုင်းတာတဲ့ စစ်ဆေးမှုတစ်ခုပါ။ ဒီအဆီတွေထဲမှာ အဓိကအားဖြင့် ကိုလက်စထရော (cholesterol) နဲ့ ထရိုင်ဂလစ်ဆရိုက် (triglycerides) တို့ ပါဝင်ပါတယ်။ LDL နဲ့ HDL အပြင် total cholesterol နဲ့ triglycerides ဒီလေးမျိုးကိုစစ်ဆေးရတာပါ။
𝐓𝐨𝐭𝐚𝐥 𝐂𝐡𝐨𝐥𝐞𝐬𝐭𝐞𝐫𝐨𝐥 – သွေးထဲမှာရှိတဲ့ ကိုလက်စထရော အားလုံးရဲ့ ပမာဏကို ပြပါတယ်။ ဒါပေမဲ့ သွေးထဲမှာ ကိုလက်စထရော ပမာဏ များလွန်းရင် သွေးကြောနံရံတွေမှာ စုပုံပြီး နှလုံးသွေးကြောကျဉ်းရောဂါ ဖြစ်စေနိုင်ပါတယ်။
𝐓𝐫𝐢𝐠𝐥𝐲𝐜𝐞𝐫𝐢𝐝𝐞𝐬 – ခန္ဓာကိုယ်ထဲမှာရှိတဲ့ အခြားအဆီတစ်မျိုးရဲ့ ပမာဏကို တိုင်းတာပါတယ်။ ဒါပေမဲ့ သွေးထဲမှာ ထရိုင်ဂလစ်ဆရိုက် ပမာဏမြင့်မားနေရင် နှလုံးရောဂါ ဖြစ်နိုင်ခြေကို တိုးစေနိုင်ပါတယ်။ အထူးသဖြင့် LDL ကိုလက်စထရော မြင့်မားသူတွေမှာ ပိုအန္တရာယ်များပါတယ်။
𝐇𝐃𝐋 – “ကောင်းတဲ့” ကိုလက်စထရောလို့ လူသိများပြီး၊ သွေးကြောနံရံတွေမှာ အဆီတွေ စုပုံခြင်းကို ကာကွယ်ပေးတာဖြစ်လို့ ပမာဏများလေ ကောင်းလေပါပဲ။
𝐋𝐃𝐋 – “မကောင်းတဲ့” ကိုလက်စထရောလို့ လူသိများပြီး၊ သွေးကြောနံရံတွေမှာ စုပုံပြီး သွေးကြောကျဉ်းရောဂါ ဖြစ်စေနိုင်တဲ့အတွက် ပမာဏနည်းလေ ကောင်းလေဖြစ်ပါတယ်။
𝐋𝐢𝐩𝐢𝐝 𝐏𝐫𝐨𝐟𝐢𝐥𝐞 𝐓𝐞𝐬𝐭 လုပ်ပြီဆိုရင် ဒီလေးမျိုးရဲ့ ရလဒ်တွေကို အဓိကကြည့်ပြီး ဆရာဝန်နဲ့ တိုင်ပင်ဆွေးနွေးဖို့ လိုအပ်ပါတယ်။ ရလဒ်တွေပေါ်မူတည်ပြီး လိုအပ်တဲ့ကုသမှုတွေ ဒါမှမဟုတ် lifestyle ပြောင်းလဲမှုတွေကို လုပ်ဆောင်နိုင်လို့ပါ။ ဘယ်လိုပြင်ဆင်ရမလဲဆိုရင် များသောအားဖြင့် ဒီစစ်ဆေးမှုမလုပ်ခင် ည ၁၀ နာရီကနေ မနက် ၈ နာရီ(အနည်းဆုံး ၁၀ နာရီ)အထိ ဘာမှမစားပဲ (ရေသောက်လို့ရပြီး) အစာရှောင်ဖို့ လိုပါတယ်။ ဒါမှသွေးထဲကအဆီပမာဏကို တိတိကျကျ တိုင်းတာနိုင်မှာပါ။
အထူးသဖြင့် အသက် ၄၅ နှစ်ကျော်အမျိုးသားတွေနဲ့ အသက် ၅၀ ကျော် အမျိုးသမီးတွေ ဒါမှမဟုတ် ဆေးလိပ်သောက်တဲ့သူ၊ အဝလွန်သူ၊ ဆီးချိုရောဂါရှိတဲ့သူနဲ့ မိသားစုကနှလုံးရောဂါရှိတဲ့မျိုးရိုးဆိုရင် ဒီစစ်ဆေးမှုကို ဆရာဝန်အကြံပေးချက်အတိုင်း ပုံမှန်လုပ်ဆောင်သင့်ပါတယ်။ ဒီ test အတွက်စစ်ဆေးချင်တယ်ဆိုရင်လည်း တော်ဝင်နဂါးဆေးခန်းကိုလာခဲ့လို့ရပါတယ်နော်။
